बितेका पलहरुले बेस्सरी सताइरहेछन
मुटुले कुन मोडमा ल्याइपुरयाओ मलाई !
बसन्त आको थाहै छैन हिडिसकेछ मौसम
के सुनाउ पिडा कसको यादले सतायो मलाई !
अनौठो घटना भयो तिमी संगको बिछोड
आफ्नै मुटुले आज घचघच्याइरहेछ मलाई !
मदिरा महल त उहिल्यै नै बन्द भएर गए
फेरी यो अत्तरको गन्ध कहाँ बाट आयो मलाई !
पतझड हूँ या हूँ एक विरान गल्ली
मेरै खुसीहरुले आज जलायो मलाई !
गर्छन् बन्द कसरी यहाँ आँखाहरु
एक अपरिचित छाँयाले सिकायो मलाई !
बितेका पलहरुले बेस्सरी सताइरहेछन
मुटुले कुन मोडमा ल्याइपुरयाओ मलाई !
No comments:
Post a Comment